Brèèk mien de bek niet los
Door De Bloeme zuute is dit lied in 1976 en deel 2 in 1978 op de pronkzitting gebracht. Tekst, zang en muzikale begeleiding (orgel / piano) zijn van eigen hand.
Het wordt ook al heel lang gebruikt bij de raadsvergadering, die maandag ochtend tijdens de carnaval onder leiding van de Raad van XI plaatsvind.
Brèèk mien de bek niet los (deel 1 1976)
’t Lied dat wi-j hier zinge gaon stelt eigelijk ganiks veur,
al hale wi-j d’r af en toe ook wel ’s iemand deur.
Refrein:
Zol nog vol meer könne zegge, maor ik laot toch niks los.
Maor brèèk mien, maor brèèk mien, maor brèèk mien de bek niet los.
Den brave Otto Hageman geet heel vaak naor Japan,
um kindergrei te kope maor daor wet ik vol meer van.
Gerrit van de Poes Robertohal of de gelaarsde kat,
den vrit hier alle schoesters op het den aan melk niet zat.
Sippie Kinear den het ook verbouwt ’t liep allemaol perfec,
dat dankte aan Marie van de Peer want die was architec.
Hier is now ook 'n Korti mark en ’n mijnheer Jamin,
de chef van Hetto zink now zach van “Houdt d’r de moed maor in”.
Van Bonekamp zegge wi-j niks den is arg braaf en zuut,
'n man den zich nörges met bemoeit maor ook gin flikker duut.
Lengel het now ook ’n bank dat wier heel hoog tied,
now kan de Brit in Lengel ook zien lieve cente kwiet.
Henk Angenent van de Hubo duut zien zake wiet van huus,
want a-j de buurt geleuve mot isse nooit veur twee uur thuus.
De president van onze club is ook ’n brandweerman,
maor iedere olde Waskuup wet dat hij niet spuite kan.
De Peer bak nog steeds pannekoek vinnie dat niet raar,
maor sins de Barrière dat ook duut het Willem ze bèter gaar.
Ton Reumer zit hier in de raod veur de VVD,
maor a-j um honderd gulde gèèf dan stemte KVP.
Den Mijne is de laatste tied ook altied poesje lief,
dat kump den keerl van de Amrobank den is now ook actief.
De muziekschool is ook uutgebreid Willem Schuurman vond dat gèèf,
want Mattie is daor directeur maor ook zien volle nèèf.
Wim Èvers den steet hier bekend as man van dure weurd,
maor de helf van watte al zo zeit hette eiges nooit geheurt.
De judo club van Piet van Nispe den besteet niet meer,
daorum vraoge wi-j ons now af waor geet de subsidie heer.
De provisore van ’t Gasthuus motte vaak op pad,
maor komme ze ’s-aoves laat naor huus dan bun ze bomme zat.
Dom kieke maggie hier gerös da’s in, in ’s-Heerenbarg,
maor nem now den Gerrit Vriesse is, den mik ’t toch te arg.
Siep de Lange den ging laats op jach in ’t mooie Bergherbos,
daor schoat hij tot zien grote schrik ’n posdoef total loss.
Ben Bongers den is weggegaon van de Oaliemöl,
ze woonde daor zo op mekaar de buurt zat völ te völ.
Dit is ’t einde van ons lied misschien soms te raak,
maor mins a-j is wis wat d’r eûver ons al niet is gekwaak.
Brèèk mien de bek niet los (deel 2 1978)
De ‘s-Heerenbargse manne hebbe ’t altied gedaon,
maor wasse ook de vrouwe die zich dit jaor liete gaon.
Refrein:
Zol nog vol meer könne zegge, maor ik laot toch niks los.
Maor brèèk mien, maor brèèk mien, maor brèèk mien de bek niet los.
Netje die zeit in de raod niet wat ze zegge kon,
die mot ook denke aan tabak en Bennies kapsalon.
Annie belde Cappie op: “Gi-j bunt ’n lieve schat,
ik breng ow dalijk paling met maor de Volvo den is plat.”
De dames van de kegelclub ginge weer alleen op pad,
onder ’t motto mondje dich hebbe die mooi schik gehad.
Slager Klarenaar zien vrouw zöt ’t ook niet zuuver meer,
bestel ie daor ’n pöndje vleis is ’t steeds ’n önske meer.
Paulien Diekman schildert now in eige atelier,
’n huuske achter in de tuin niet groter dan ’n plee.
Carie van der Vosse het d’r ook de bale van,
zi-j duld gin gelul meer “over haar betonnen man”.
Jo Körmeling is vaak alleen in dat grote huus,
gelukkig is eur jongste dochter ook nog altied thuus.
Ivo Hendrikse is al zeuve jaor verlief,
maor veur dat Ivo trouwe geet het hij de böt wel stief.
Liefde is soms stèke blind dat mark ie elke dag,
Reberge en Wilco saam wie had dat now verwach.
De Rabobank die het onlangs drie kwart eeuw bestaon,
de meeste met ’n kont vol schuld bun naor dat fees gegaon.
De vrouw van Tonnie Rabe geet ook op veur ’t ri-jbewies,
Tonnie zeit gi-j wet jao nooit waor zowat goed veur is.
Ton Reumer ging naor China toe met Harrie Angenent,
Normaal gaon die naor Villa Rouche waorum dan now zo’n end?
De ni-je prins wödt Bart den Elze dat steet now al vas,
Umdat den humoristisch is en lulle kan dat ‘t bas.
Wim Èvers den wol in de raod met veurkeur da’s gezond,
a-j wet da-j niet de mooiste bunt stuur dan gin foto’s rond.
Den oaverval bi-j Hendrikse had niemand verwach,
is de overheid soms bang dat Theet daor Turke slach.
Poepie, pies en snottebel, ’n hele vieze geur,
zukke vieze dinge he-j van ons nog nooit geheurt.
Twee vrouwe hier in ’s-Heerenbarg bun altied braaf en lief,
gi-j vraog ow af wie dat wel zun jao dat zun onze wief.
Moons is goed dat is bekend hij boort en vult correc,
maor ’s-nachts löt hij ow ieskold staon a-j van de pien verrek.
Wi-j wette ook iets van ’n vrouw ’n hele vieze slons,
daor könne wi-j niks van zegge want die wet ook iets van ons.
Wi-j hebbe now genoeg geklets oaver ’s-Heerenbarg,
en a-j ow soms beledig vuult dat vinde wi-j niet arg.
