De jeug van tegewoordig

Dit lied is geschreven en gezongen door Netje Berndzen-Kniest in januari 1974.

De jeug van tegewoordig


Hierveur ow zie de jeug van tegewoordig, wi-j trekke ons gin bas örges van aan.
Wi-j vinde al den poespas eûverbodig, wi-j wille hier niet opgepoets gaon staon.
Wi-j holde niet van etiquette van tande poetse vroeg naor bed, wi-j gaon ’t liefs ons eige kalme gang.
Altied dat olderlijk gezag, dat mot, dat zal, en dat niet mag, daor krie-j toch onderhand wel de bale van.

Refrein:
Wi-j zun de jeug van tegewoordig.
Wi-j hebbe de pes in valse schijn.
Wi-j vinde al dat huichele eûverbodig.
Wat dat betref trekke wi-j dezelfde lijn.

Wèès ’s eerlijk oldere generatie, a-j in deze tied was grootgebrach.
Dan ha-j d’r ook met lang heur bi-jgelope en kwam ie ’t liefs ook thuus diep in de nach.
Gi-j droeg ’n dumpjack, spiekerboks en hoe dat hiet al dat gesoks van booties tot ’n pukkel haos veur niks.
Gi-j spaorde poosters old antiek, gi-j werd van Ma’s gezanik ziek en zei eur dan de waorheid midde in ’t gezich.

Refrein:

Van onze olders motte wi-j studere, geet ’t niet van harte dan maor met geweld.
Met warke könne ze niks aan ons verdiene, bi-j studie kriege ze dubbel geld.
En is de Havo dan taboe dan maor gauw naor de Mavo toe en anders in Gods naam de LTS.
Dan wödt heel nonchalant beweerd mien kindere hebbe gestudeerd, Pa krèè-jt victorie en ’t kind is knats verpes.

Refrein:

Wi-j gève toe wi-j make ook wel foute, de drugs ze vorme now ’n groot gevaor.
Want wie zich daor is goed aan géét verslave, zak as ’n kaartehuuske in mekaar.
En ook communes wi-j gève toe dat is veur ons jeug taboe, want dat is hokkeri-j op grote schaal.
Maor wi-j kenne ze ook die prevele slechs de jeug is rot de jeug is slech maor eiges nème ze ’t niet zo nauw met de moraal.

Refrein: