Drie daag stappe

Uit Waskuupedia
Ga naar: navigatie, zoeken

Harrie IJzermans 'de zingende kastelein', zong tijdens de pronkzittingen op 9 en 10 januari 1998 samen met Evelyn Liske op een walsme­lodie van 'Die Black Foöss' het lied:

Drie daag stappe.

Al maondelang he-j ow de spaorcente opgepot,
want carnaval viere kos hèvig völ geld.
Maor wi-j wat belève, zu-j 't uut motte gève,
bi-j de Mill, bi-j Bennie, de Graaf of De Rot.

Refrein:
Drie dage gaon stappe, 'n pilske gaon happe,
da's Carnaval viere in Waskupenstad.
Maor wat mo-j beginne, a-j niet meer könt pinne,
dan köj wel naor huus toe, ow knip blif dan plat.

De kasteleins hebbe hun kelder vol bier gestop,
de obers die lope as gekke harum.
Gi-j wilt wat bestelle, gi-j wilt af gaon telle,
ow knip is kats lèèg da's 'n aardige strop.

Refrein.

Gauw efkes gaon pinne, de pas d'r vlug ingestoek,
de pincode oh God wat was dat now weer?
En wa-j ook probeerde, ieder keer de verkeerde,
den automaat het toen den pas ingesloek.

Refrein.

D'n andere dag smarges, van koppien he-j ga gin las,
gi-j kiek veur de zekerheid nog in ow knip.
Ow bankpas is daor jao, dat is toch niet waor maor,
maor wat gi-j now kwiet bunt is ow carnavalspas.

Refrein.

As 'n haas gao-j beginne, maor Marcel het nog niet los,
as 'n gek naor De Peer daor zit 't al vol.
Hé Harry 'n blad bier, daor is toch nog zat hier,
zo haal'ie de schaaj in a-j bas van de dös.

Refrein.