Nostalgie

Uit Waskuupedia
Ga naar: navigatie, zoeken

Dit lied werd gezongen op de pronkzitting van ? door Netje Berndzen Kniest die hierbij werd begeleid door 'De krul' van der Kemp.
Het origineel (Ketelbinkie: Toen wij uit Rotterdam vertrokken) de originele tekst is geschreven door Anton Beuving en de muziek is van Jan Vogel. De onderstaande tekst is van Netje zelf.

Nostalgie

Ik was nog maor zo’n heel klein mèèdje, wi-j vierde nog gin carnaval,
de Nekkum was nog niet gebore, maor ’t Bänkske ston al op de Wal.
’t Trämke stoomde toen gemuudlijk, en stopte haos bi-j ieder huus,
en waor ze now de bi-jstand hale, daor ons eige ziekehuus.

Refrein:
Jao toen was ’s-Heerenbarg gemuudlijk, toen kende iedereen mekaar,
de pil was nog niet uutgevonde, dus kindjes kwame d’r ieder jaar.

Wi-j kleede ons toen ook heel anders, as mèèdje droeg ie toen ’n rok,
’n boks dat was alleen veur jonges, daor trok ie toen de neus veur op.
De kni-jkes bleve mooi verborge, gin keld kreeg ie op de blaos,
’n wolle boks ’n jäger hempke, dat brach ow toen de Sinterklaos.

Refrein:

En ha-j toen in die tied verkering, met ’n lief mèèdje naor ow zin,
dan durfde gi-j eur niet aan te rake, want seks zat d’r toen nog niet in.
Gi-j moch niet same op vakantie, dan was de bekoring völ te zwaor
en a-j per ongeluk moes trouwe, dan mog ie niet in ’t wit op ’t altaor.

Refrein:

Wat is ons ’s-Heerenbarg veranderd, gi-j kent ’t now haos niet meer t’rug,
wi-j hebbe zelfs ’n eige zwembad, daor ligge wi-j sommers op de rug.
Gin kachel hoef gi-j meer te stoake, de was is niet meer zo’n gepees
en he-j gin zin in ète koake, dan gao-j gewoon naor de Chinees.

Refrein (aangepas):
Al is ons ‘s-Heerenbarg veranderd, is al ’t olde ook d’r af,
toch blieve wi-j gemuudlijk lève, vanaf de wieg tot aan ’t graf.

*Jäger – ’n bepaald soort warme stof